صحيت لقيت قلبي حزين
قلتله مالك يا مسكين
قاللي لسه سامعة الانين
ده جوايا بقاله سنين
قلتله تعالي نتصافي
يمكن من المك تتعافي
قوللي ايه شكوتك
احكيلي عن بلوتك
شاور علي عقلي وقاللي
بتفكري بده تملي
وناسية اني منك
ويهمني اللي يهمك
وانا فاكرة انه سهل دواك
بقي كل ده كان جواك
بص ياقلبي واسمع بعقل
انا بسال عقلي قبل
بس خلاص ما تكمليش
يعني دوري في حياتك مفيش
يعني ايه ابقي التاني
وعقلك دايما واخد مكاني
اصلي خايفة عليك
قرارك دايما حياذيك
عقلي اصله قوي
وانت ضعيف اوي
وزاد النبض وقاللي
دايما ظالماني تمللي
وعايز ايه دلوقتي
عايز تبقي الاول
برضه مش فاهماني
يووووه حعيد من الاول
عايز فرصة لازم
عايز مرة لو
وماترجعش نادم
لو طبيت ياحلو
وعد الحر دين
سيبيني مرة حر
واجيب دواك منين
لو دقت بعده المر
جربي ومش حتخسري
ومرة بيا فكري
رايح فين يا مجنون يا
لسه القرار ما صدرش
شايف حب هناك
4 comments:
مبروك علي النيو لوك للبلوج حلو بس لون الكتابه مع الاسود صعب شويه تانيا القصيده حلوه جدا بجد.... انتي كتباها قريب ؟!!ولا
it's a very nice blog go on
الله يبارك فيكي .....اه اللون اصلي كنت مخنوقة قلت اغير شوية فجيت اكحلها حصل اللي انت شايفاه ده..................اما بقي القصيدة يا ياستاذة فدي تقريبا من 4سنين تعيشي وتفتكري
هي شيئ من بعيد لكن ودتنا بعيد
ادام الله عليكي نعمة الاحساس
Post a Comment