وبعد عناء طال مداه ........تحقق الحلم و اخيرا عملت البلوج بتاعي....مين كان يصدق يا ناس ...انا كتبت الكلمتين دول عشان البلوج يشتغل بس الشغل الجامد حيبدا بعدين ان شاء الله ما تقلقوش......... انا الاول لما سمعت عن موضوع البلوج ده بصراحه استهيفته <مع الاعتذار لحزب البلوجات>.. اجدع ناس والله .......دلوقتي انا بقيت حابه الفكرة جداومستمتعة بيه والفضل يرجع لانتيمتي هي اللي شجعتني وهي بلوجية مشهورة بالمناسبة اما بخصوص موضوع عدم اقتناعي بالفكرة في الاول عشان انا اصلا من النوع اللي بيقدس المذكرات والاسرار وما كنتش متخيلة ابدا ازاي اكتب حاجة والناس كلها تقراها ......ايه الفضايح دي طبعا قلت ع جثتي وعشان انا كلمتي واحدة اديني معاكو اهه بكتب اول بوست..انا كلمتي ما تنزلش البوست ابدااااا.........اللي خلاني اغير فكرتي ان الواحد ساعات بيحس ان الحاجات اللي بيعملها مش عايزها تبقي ليه لوحده وعايز الناس تشاركه برايها من غير ما تعرفه عشان رايها ما يتاثرش بحاجة........انتيمتي قاعدة جنبي وبتنفخ الظاهر ان انا طولت ..........اصل انا في بيتها دلوقتي هي لقت ان ده الحل الوحيد عشان تخليني اعمل بلوج انها تحبسني .................مش حطول اكترمن كده عشان الناس شكلها نامت اصلا...وانا تعبت...الي اللقاء في البوست الجاي
5 comments:
بجد انا فرحانه انك عملت بلوج واصبحتي من المدونين بس يا ريت ماتنافسنيش ماشي ولا ايه؟
ya welcome ya welcome fe 7ezb el blogeeen !
مبروك المدونة يا جميلة
ماشي يا ريمو مبررروك البلوج
سلام حار لكى وكل اصحاب كار الهندزةالراقى المتعب والذى لا اختار له بديلا.كل سنة و انت طيبة
Post a Comment