skip to main |
skip to sidebar
النهاردة بقي عمري عشرين
النهاردة بقي عمري عشرين- ياااااااااه عمر والله- وما كنتش مرتبة لليوم بس كان جامد جدا ويمكن لو كنت رتبتله ما كانش يبقي جامد كده >>>>>>>>المهم النهاردة بجد كان تحفة من احلي ايام حياتي فعلا.......صحيت النهارده في حدود الساعة 11ورحت الكلية ع اساس ان انا حروح انا ورشا نشوف اخبار التدريب ايه والورق وكده يعني وبعدين نقضي اليوم زي كل سنة نخرج بقي وكده.... المهم رحت متاخر كالعادة ولقيت كل اصحابي موجودين بجد وجودهم لوحده كان مفاجاة ليا وبعدين انا كنت فاكراهم ما يعرفوش بس يا مامنة لايمان يا مامنة للميا في الغربال ايمان دي واحدة من اصدقاء التدريب يا دوبك عرفت انه عيد ميلادي ونشرت الخبر اولا قالته لعمرو يبقي ضمنا مصر كلها تعرف وبعدين عملولي مفاجاه تانية قالوا انهم رايحين يصلو وفي الخباثة كده راحو جابو جاتوه وبيبسي وشمع واحتفلنا وكان يوم تحفة بجد قضيت يوم جامد جدا وبجد مهما قلتلهم مش حعرف اشكرهم ع اليوم ده انا فرحانة كمية فرحة تكفيني مثلا اسبوع من غير زعل حتي لو مين عمل ايه برضه مش حزعل والله بجد ممكن تعرف ناس لمده قليلة اقل من شهر مثلا وتحس انك تعرفهم من سنين بجد هو ده احساسي معاهم..... هما بجد كلهم ع بعض كده حاجه حلوة حصلتلي في حياتي........... بس يا خسارة الايام الحلوة بتعدي هوا التدريب خلص ومش حنقدر نتجمع تاني كلنا بس المهم ان احنا قضينا ايام بجد ما تتنسيش بجد شكررررررررررااااااا< ايمان-رشا (انتيمي)-علا- علي- عمرو- فاطمة- كريم> حقيقي انتو خليتو عيد ميلادي ما يتنسيش ابدا
11 comments:
ما شي يا ستي كل سنه وانتي طيبه بس المفروض اسمي يكتب اول اسم لان انا السبب في اليوم ده كله بس ما علش عيد ميلادك بردك
كل سنة وانتي طيبة
اولا كل سنه وانتي طيبه وعقبال 100 سنه تقضيهم في عمل الخير يارب
ثانيا اهلا بكي في عالم التدوين والي الامام دائما
انا والله كتبت بالترتيب الابجدي عشان ما حدش يزعل
Happy Birthday !
أنا لما قلتيلى عالبلوج ده كان مسمى جديد بالنسبة لى وانا حديث العهد به رغم انى مخضرم عالنت ولكن لما دخلت عليه لقيت انها والله فكرة مش بطالة وبراقة وجديدة ان الواحد يفكر بصوت عالى ويخلى اصحابه يشاركوه التفكير ده ..
ولكن هل الواحد ممكن يكون جرئ لدرجة انه يكون كتاب مفتوح لكل الناس فى اى وقت ؟
عموما كل سنة وانت طيبة ياأحلى ريرى وعقبال السنة اللى جاية تكونى أحلى وأحلى ..وكان نفسى اشاركك فرحتك ونكبرها اكتر واكتر ..
زيزو
كل سنه وانتى طيبة تانى بس بجد اليوم كان حلو فعلا لانه بس كان يوم عيد ميلادك مش اكتر بالرغم من ان انا حصلتلى شويهة حاجات فيه لكن هعتبرها مش بسببك يعنى ولا حاجه هقول عادى ظروف وبتحصل مع انها متاجله بقالها كتير اوى ومتحصلش غير في اليوم ده بس معلش كان يوم حلو بردو
المفروض كنت ارد بدرى بس انا لسه عارفه انك عامله بلوج امبارح
بس على فكره احنا هنشوفك تانى ان شاء الله في الدراسه ليه بتقولى كده
اه نسيت اقولك الاسماء مش بالترتيب الابجدى ولا حاجه
وانت طيبة يالولي...معلش مش قلتلك عيد ميلادي وانا عارفاه يارب يكون الموضوع اللي كان يومها ده اتصلح المهم انت بتقومي رشا عليا ...انا كتباهم اهه بالترتيب الابجدي بيني وبينك صلحتهم ...اصل انت الوحيدة اللي خدتي بالك
والله كنت معلقة عندك انت مسحتي تعليقي ولا ايه ؟؟؟؟؟؟؟
المهم كل سنة وانت طيبة متاخرة شهر بس لما لقيت تعليقي اتمسح قلت اكتب تاني هتبقى بنا مصلحة هههههه
هنبقى زملة كلية واحدة لا بجد كل سنة وانت طيبة انا يمكن مشفتكيش قبل كده بس بحبك علشان رشا بتحبك بجد ربنا يخليكوا لبعض
a ya bashmohandeza ?? enty le7e2ty tebda2y tadween 3shan tebattaly ???? keda maynefa3sh ! : ))
Post a Comment